=================
শিলৰ চোলা পিন্ধা মানুহবোৰ
শিলৰ দৰে অবোধ
শিলৰ চোলা পিন্ধা মানুহবোৰে
কান্দিব নোৱাৰে
যদিওবা কান্দে কেতিয়াবা
সিহঁতৰ চকুলো নিমখীয়া নহয়
পাৰিলে শিলৰ চোলা পিন্ধা মানুহবোৰৰ পৰা
দূৰৈত থকা উচিত
কাৰণ সিহঁতে আপোনাকো পিন্ধাই দিব পাৰে
শিলৰ চোলা
ভুলকৈ ময়ো কেতিয়াবা প্ৰেমত পৰি যাওঁ
শিলৰ চোলা পিন্ধা মানুহৰ
আৰু হৃদয়ত শিলৰ সাঁকো নিৰ্মান কৰি
গৈ থাকোঁ অন্য এক শিলাময় পথত
✍ কন্দৰ্পজিৎ
No comments:
Post a Comment